ທ່ານ ເຫີລີ້ເຟີ່ງ ເຂົ້າຮ່ວມພິທີເປີດງານວັນຕົວເມືອງໂລກປີ 2026
ທ່ານ ເຫີລີ້ເຟີ່ງ ກຳມະການກົມການເມືອງສູນກາງພັກກອມມູນິດຈີນ, ຮອງນາຍົກລັດຖະມົນຕີຈີນ
ວັນທີ 31 ຕຸລາ ຜ່ານມານີ້, ກິດຈະກຳຫຼັກລະດັບໂລກ ສຳລັບວັນຕົວເມືອງໂລກປີ 2026 ທັງເປັນກິດຈະກຳການມອບລາງວັນຕົວເມືອງທີ່ມີ
ການພັດທະນາແບບຍືນຍົງ ທົ່ວໂລກ ຄັ້ງທີ 4 (ລາງວັນຊຽງໄຮ້) ໄດ້ຈັດຂຶ້ນຢູ່ນະຄອນຟູໂຈ່ວ ແຂວງ ຟູຈ້ຽນຂອງຈີນ. ທ່ານ ເຫີລີ້ເຟີ່ງ ກຳມະການ
ກົມການເມືອງສູນກາງພັກກອມມູນິດຈີນ,ຮອງນາຍົກລັດຖະມົນຕີຈີນ ໄດ້ເຂົ້າຮ່ວມພິທີໄຂງານ ແລະ ໄດ້ມອບລາງວັນໃຫ້ແກ່ຕົວເມືອງທີ່ໄດ້ຮັບ
ລາງວັນພ້ອມທັງກ່າວຄຳປາໄສ. ກ່ອນຈັດພິທີໄຂ, ທ່ານ ເຫີລີ້ເຟີ່ງ ໄດ້ພົບປະກັບທ່ານ ນາງ ເອນາຄຼາວເດຍ ມາຣີນເຮໂຣ ເຊັນເຕໂນ ໂຣສບາຣ
ຫົວໜ້າອົງການຕັ້ງຖິ່ນຖານມະນຸດຂອງອົງການ ສະຫະປະຊາຊາດ. ທ່ານ ເຫີລີ້ເຟີ່ງ ກ່າວວ່າ: ຈີນຍິນດີຮ່ວມມືກັບ ອົງການຕັ້ງຖິ່ນຖານມະນຸດ
ສປຊ ເພື່ອຊຸກຍູ້ການປະສານງານດ້ານຍຸດທະສາດ, ຈັດຕັ້ງປະຕິບັດຕາມທັດສະນະການບໍລິຫານທົ່ວໂລກທີ່ມີການປຶກສາຫາລືຮ່ວມກັນການ
ສ້າງສາຮ່ວມກັນ ແລະ ການຊົມໃຊ້ຮ່ວມກັນ, ຊ່ວຍເຫຼືອໃຫ້ບັນດາປະເທດເຂດໂລກໃຕ້ບັນລຸການພັດທະນາແບບຍືນຍົງຂອງຕົວເມືອງ.ທ່ານ
ນາງ ໂຣສບາຣ ກ່າວວ່າ: ອົງການຕັ້ງຖິ່ນຖານມະນຸດ ສປຊ ຍິນດີສືບຕໍ່ລົງເລິກການຮ່ວມມືຕົວຈິງກັບຈີນ, ຮ່ວມກັນປະກອບສ່ວນເຂົ້າໃນການ
ຊຸກຍູ້ການປັບປຸງສິ່ງແວດລ້ອມ ບ່ອນຢູ່ອາໄສຂອງມະນຸດທົ່ວໂລກໃຫ້ດີຂຶ້ນກວ່າເກົ່າ.
ແຫຼ່ງທີ່ມາ: ຂກທ
ວັນທີ 03/11/2026