ອາຊຽນ ປຶກສາຫາລືຄວາມໝັ້ນຄົງ ດ້ານພະລັງງານ-ສະບຽງອາຫານ
ວິທະຍຸ-ໂທລະພາບສູນກາງຈີນ, ກອງປະຊຸມສຸດຍອດ ອາຊຽນ ຄັ້ງທີ 48 ຈັດຂຶ້ນຢູ່ແຂວງເຊບູ ຂອງຟີລິບປິນໃນລະຫວ່າງ ວັນ
ທີ 7-8 ພຶດສະພາ ຜ່ານມາ, ໄດ້ສຸມໃສ່ການປຶກສາຫາລື ບັນຫາສຳຄັນຕ່າງໆເຊັ່ນ: ຄວາມໝັ້ນຄົງດ້ານພະລັງງານ, ຄວາມໝັ້ນຄົງດ້ານ
ສະບຽງອາຫານ, ຄວາມປອດໄພຂອງປະຊາຊົນອາຊຽນ ຢູ່ແຫ່ງຕ່າງໆໃນໂລກ, ການຮ່ວມມືດ້ານເສດຖະກິດ ແລະ ຫົວຂໍ້ສຳຄັນອື່ນໆ.
ທ່ານ ເຟີດີນານ ມາຄອດຈູເນຍ ປະທານາທິບໍດີ ຟີລິບປິນ ເຊິ່ງເປັນປະເທດ ປະທານ ໝູນວຽນ ອາຊຽນ ກ່າວວ່າ: ສະຖານະ
ການ ໃນຕາເວັນອອກກາງ ນັບມື້ນັບປັ່ນປ່ວນ ວຸ້ນວາຍກວ່າເກົ່າ ເຊິ່ງສົ່ງຜົນກະທົບຕໍ່ປະເທດສະມາຊິກ ອາຊຽນ ແລະ ເປັນໄພຂົ່ມ
ຂູ່ຕໍ່ການດຳລົງຊີວິດ, ການທຳມາຫາກິນ ແລະ ຊີວິດຂອງຄົນ, ກອງປະຊຸມສຸດຍອດຄັ້ງນີ້ໄດ້ຈັດຂຶ້ນໃນໄລຍະເວລາທີ່ເຕັມໄປດ້ວຍສິ່ງ
ທ້າທາຍ. ໃນໄລຍະຈັດກອງປະຊຸມສຸດ ຍອດຄັ້ງນີ້, ຜູ້ນຳປະເທດສະມາຊິກ ອາຊຽນ ທີ່ເຂົ້າຮ່ວມກອງປະຊຸມໄດ້ປຶກສາຫາລືໃນຫົວ
ຂໍ້ຕ່າງໆເຊັ່ນ: ການຮ່ວມມືທາງທະເລ, ການຮັບມື ກັບໄພທຳມະຊາດ, ສະໜັບສະໜູນ ຕີມໍເລັສເຕ ເຊື່ອມໂຍງເຂົ້າໃນອາຊຽນ
ຢ່າງຮອບດ້ານ ແລະ ຫົວຂໍ້ອື່ນໆ ພ້ອມນີ້ ຍັງໄດ້ຮັບຮອງ ເອົາເອກະສານທີ່ກ່ຽວຂ້ອງຕື່ມອີກ.
ແຫຼ່ງທີ່ມາ: ຂກທ
ວັນທີ 12/05/2026