ການເລືອກຕັ້ງກາງສະໄໝໃນສະຫະລັດ ພັກລັດຖະບານ ເສຍໄຊ
ໃຫ້ຝ່າຍຄ້ານຢ່າງໜັກ
ການເລືອກຕັ້ງກາງເທີມ (ກາງສະໄໝ) ທົ່ວປະເທດ ໃນວັນທີ 3 ພະຈິກ (ວັນທີ 4 ໃນອາຊີ), ເຊິ່ງບໍ່ໄດ້ເລືອກຕັ້ງປະທານາທິບໍດີໂດຍກົງ
ແຕ່ເລືອກເອົາທີ່ນັ່ງໃນສະພາຕ່ຳ (House of Representatives) ມີທັງໝົດ 435 ບ່ອນນັ່ງ ແລະ ສະພາສູງ (Senate) ມີທັງໝົດ 100
ບ່ອນນັ່ງ, ແລະ ມີ 2 ພັກແຂ່ງຂັນກັນ ຄື: ພັກຣີພັບບຼິກັນ (ຝ່າຍ ລັດຖະບານທຣຳ) ແລະ ພັກເດໂມແຄຣັດ (ຝ່າຍຄ້ານ). ຜ່ານການລົງຄະແນນ
ນັບມາຮອດຕອນເຊົ້າວັນທີ 5 ພະຈິກ, ການນັບຄະແນນສຳເລັດໄປແລ້ວ ປະມານ 98% ຜົນປະກົດວ່າ: ພັກຝ່າຍຄ້ານ ຊະນະ ແລະ ເພີ່ມບ່ອນ
ນັ່ງຈົນໄດ້ສຽງສ່ວນຫຼາຍ
ຄວບຄຸມສະພາສູງ ໄດ້ເກີນ 52-54 ບ່ອນນັ່ງ (ຖືວ່າ ຊະນະໄດ້ສຽງສ່ວນຫຼາຍ). ດ້ານ ພັກຝ່າຍທຣຳ ເສຍບ່ອນນັ່ງສຳ
ຄັນໃນຫຼາຍລັດ ເຊັ່ນ: Texas, Iowa, Kansas, North Carolina ແລະ Ohio ໄດ້ພຽງ 44 ທີ່ນັ່ງ (ຍັງມີ 2 ບ່ອນນັ່ງ ທີ່ຢູ່ລະຫວ່າງ
ການນັບຄະແນນ ແຕ່ບໍ່ມີຜົນຕໍ່ການປ່ຽນຂົ້ວອຳນາດແລ້ວ). ສຳລັບ ສະພາຕ່ຳ ພັກຝ່າຍຄ້ານ ໄດ້ໄປແລ້ວ 233 ຫາ 237 ບ່ອນນັ່ງ (ຊະນະຂາດ
ເກີນ 218 ທີ່ນັ່ງ) ຖືວ່າຍາດໄດ້ສຽງສ່ວນຫຼາຍໃນສະພາຕ່ຳຄືນມາຢ່າງສົມບູນ. ດ້ານ ພັກຝ່າຍທຣຳ ໄດ້ໄປພຽງ 138 ຫາ 147 ທີ່ນັ່ງເທົ່ານັ້ນ,
ເຖິງແມ່ນວ່າ ຍັງມີບາງເຂດທີ່ນັບຄະແນນຊ້າ ເຊັ່ນ ໃນລັດກາລິຟໍເນຍ, ແຕ່ພັກເດໂມແຄຣັດ ຊະນະຄອງທັງ ສະພາສູງ ແລະ ສະພາຕ່ຳ ໄດ້ຢ່າງ
ສົມບູນແລ້ວ. ການທີ່ພັກລັດຖະບານຂອງທຣຳ ຜ່າຍແພ້ ຄັ້ງນີ້ ສຳນັກຂ່າວຕ່າງປະເທດຫຼາຍແຫຼ່ງຍົກອອກວ່າ: ຍ້ອນບັນຫາເງິນເຟີ້ ແລະ ຄ່າ
ຄອງຊີບ:ປະຊາຊົນເກືອບ 80% ທີ່ມາເລືອກຕັ້ງລະບຸວ່າ ພວກເຂົາເຈົ້າຍັງປະເຊີນກັບຄວາມລຳບາກທາງເສດຖະກິດ ແລະ ບັນຫາເງິນເຟີ້ ໃນ
ໄລຍະ 2 ປີທີ່ ທຣຳ ບໍລິຫານປະເທດ. ຄວາມບໍ່ພໍໃຈຕໍ່ຕົວທ່ານ ທຣຳ: ຜູ້ເລືອກຕັ້ງປະມານ 60% ຮູ້ສຶກວ່າ ທຣຳ ໃຫ້ຄວາມສຳຄັນກັບຜົນ
ປະໂຫຍດສ່ວນຕົວ ຫຼື ຫຼີ້ນການເມືອງ ຫຼາຍກວ່າຜົນປະໂຫຍດຂອງປະເທດ. ແຕ່ພັກຝ່າຍຄ້ານ ເນັ້ນໃສ່ບັນຫາປາກທ້ອງ, ຄ່າໃຊ້ຈ່າຍໃນການ
ດຳລົງຊີວິດແລະ ຄວາມໝັ້ນຄົງທາງສັງຄົມ ເຊິ່ງເຂົ້າເຖິງປະຊາຊົນໃນລັດແດງ (ລັດທີ່ເຄີຍສະໜັບ ສະໜູນ ທຣຳ) ໄດ້ດີ. ການທີ່ຝ່າຍຄ້ານ
(ເດໂມແຄຣັດ) ໄດ້ຄອງສຽງສ່ວນຫຼາຍທັງ 2 ສະພາ ຈະສົ່ງຜົນກະທົບຢ່າງໜັກຕໍ່ການບໍລິຫານງານຂອງ ທຣຳ ໃນອີກ 2 ປີທີ່ຍັງເຫຼືອຢ່າງ
ຫຼວງຫຼາຍ.
ແຫຼ່ງທີ່ມາ: ຂກທ
ວັນທີ 06/11/2026