ຣັດເຊຍ ແລະ ອູແກຣນ ກຳນົດວັນສິ້ນສຸດການຢຸດຍິງ
ທ່ານ ນາງ Yana Lantratova ຂ້າຫຼວງໃຫຍ່ສິດທິມະນຸດຂອງ ຣັດເຊຍ
ຂໍ້ຕົກລົງຢຸດຍິງລະຫວ່າງ ຣັດເຊຍ ແລະ ອູແກຣນ ທີ່ເທດ ສະບານເມືອງ ໂອເລສກີ (Oleshky), ແຂວງ ເກີຊອນ (Kherson) ດິນແດນ
ອູແກຣນທີ່ຖຶກຣັດເຊຍຄວບຄຸມ, ຈະມີກຳນົດຮອດເວລາ 22 ໂມງ 59 ນາທີ ຂອງວັນທີ 1 ພະຈິກ (ຕາມເວລາທ້ອງຖິ່ນ). ຂໍ້ມູນດັ່ງກ່າວ,ໄດ້ເປີດ
ເຜີຍໂດຍ ທ່ານ ນາງ Yana Lantratova ຂ້າຫຼວງໃຫຍ່ສິດທິມະ ນຸດຂອງ ຣັດເຊຍ ປະກາດອອກມາ ແລະ ທ່ານ David Arakhamia ຫົວ
ໜ້າກຸ່ມພັກ “ຮັບໃຊ້ຂອງປະຊາຊົນ” ກຳອຳນາດໃນສະພາແຫ່ງຊາດ ອູແກຣນ, ກໍໄດ້ຢືນຢັນຂໍ້ມູນນີ້.ທ່ານ ນາງ Yana Lantratova ແຈ້ງວ່າ: ເມື່ອ
ຮອດເວລາ 17 ໂມງ 30 ນາທີ ຂອງວັນທີ 27 ຕຸລາ (ຕາມເວລາທ້ອງ ຖິ່ນ), ແມ່ນບໍ່ເກີດການລະເມີດຂໍ້ຕົກລົງຢຸດຍິງ ຈາກທັງສອງຝ່າຍ. ໃນຂະນະ
ນັ້ນ,ທ່ານ David Arakhamia ໃຫ້ຮູ້ວ່າ, ຄຳສັ່ງຢຸດຍິງທີ່ໃຫຍ່ທີ່ສຸດໄດ້ຖືກຈັດວາງຢູ່ໃນແນວໜ້າຍາວທີ່ສຸດຢູ່ທາງພາກໃຕ້ ອູແກຣນ ແລະ ທ່ານ
ຕີລາຄາວ່າ, ນີ້ແມ່ນການຫຼຸດຄວາມເຄັ່ງຕຶງຄັ້ງໃຫຍ່ທີ່ສຸດນັບຕັ້ງແຕ່ປີ 2022. ກ່ອນໜ້ານັ້ນ, ວັນທີ 23 ຕຸລາ, ທ່ານ ໂວໂລດີເມຍ ເຊເລນສະກີ ປະທາ
ນາທິບໍດີອູແກຣນ ໄດ້ຢັ້ງຢືນວ່າ: ບັນດານັກເຈລະຈາສັນຕິພາບຈາກ ອູແກຼນ, ຣັດເຊຍ ແລະ ອາເມຣິກາ ໄດ້ເຫັນດີເປັນເອກະພາບຈັດກອງປະຊຸມດ້ານ
ເຕັກນິກໃນຕົ້ນເດືອນພະຈິກ ນີ້ຢູ່ ນະຄອນຫຼວງອາບູ ດາບີ ສະຫະລັດ ອາຣັບ ເອມີເຣດ (UAE), ພ້ອມທັງສະແດງຄວາມຫວັງວ່າ, ຫຼັງຈາກນັ້ນຈະດຳ
ເນີນການພົບປະລະຫວ່າງ ຜູ້ນຳສາມປະເທດ ຄື: ຣັດເຊຍ, ອາເມຣິກາ ແລະ ຜູ້ນຳອູແກຣນ.ໃນວັນດຽວກັນ, ທ່ານໂຄສົກປະຈຳທຳນຽບເຄຣມ
ລິນ
ຣັດເຊຍ ກໍໄດ້ແຈ້ງວ່າ: ການເຈລະຈາສາມຝ່າຍ ລະຫວ່າງ ຣັດເຊຍ, ອູແກຣນ ແລະ ອາເມຣິກາ ຈະເຊື່ອມຕໍ່ຄືນໃໝ່ຢູ່ ອາບູ ດາບີ ໃນຕົ້ນເດືອນພະຈິກ
ນີ້. ໃນນັ້ນ, ການເຈລະຈາຈະສຸມໃສ່ບັນຫາຄວາມໝັ້ນຄົງໃຫ້ແກ່ທັງ ຣັດເຊຍ ແລະ ອູແກຼນ. ທ່ານ ໂຄສົກ ຢັ້ງຢືນວ່າ: ມາດຕະການຢ່າງຮອບດ້ານໃຫ້
ແກ່ວິກິດການ ອູແກຼນ ຈະບໍ່ສາມາດບັນລຸໄດ້ ຖ້າບໍ່ມີການປຶກສາຫາລືກ່ຽວກັບບັນດາບັນຫາຄວາມໝັ້ນຄົງຂອງສອງປະເທດ ຣັດເຊຍ ແລະ ອູແກຣນ.
ແຫຼ່ງທີ່ມາ: ຂກທ
ວັນທີ 03/11/2026